Murghi roast karnay ka tareeka

Mughi ko roast karnay say pehlay agar us per lemoo ka ras laga diya jaey or phir namak lagaya jaey tu murghi juicy banti hay or us ki skin crispy ho jati hay.

Foil kay estimaal ka tareeka

Foil ko estimaal kartay waqt us ko andar ki taraf say thora geela kar leyn tkay wo asani say pan kay saath chipak jaey. Pani goondh ka kam karay ga or asani say chipaknay may madad dey ga.

Cookies tazah rakhnay ka tareeka

Tazah bani howi cookies ki narmi or tazgi barkarar rakhnay kay liye ek double roti ka tukra jis dabay may cookies rakhi hgoon daal deyn. Double roti ki nami cookies ko tazah or naram rakhy gi or jub double roti sookh jaey tu doosra tukra daal deyn.

Sabziyan cheelnay ka tareeka

Sabziyoon ko katnay say pehlay cheel lain takay us kay water soluble vitamins barkarar rahen. Chika jitna bareek utar saktay hoon utaren takay vitamins or minerals zaya na hoon.

Ublay howay pani say gravi banany ka tareeka

Jis pani may sabziyan ubalain usay phaykay nahi balkay us pani ko gravi banany kay liye estimaal karen.

Phool gobhi ka rang barkarar rakhnay ka tareeka

Pkanay kay dooran phool gobhi ka rang barkarar rakhnay kay liye pani may thora sa doodh daal denay say goobhi ka rang karab nahi hota.

Sabziyan theek waqt per katain

Sabziyan pehlay say kaat ker na rakhen jub un ki zaroorat ho tub katain. Pehlay say katnay say un ka rang or gizayat khatam ho jati hay.

Shakar qandi cheelnay ka tareeka

Shakar qandi ka chilka asani say utarnay kay liye unhay ubalnay kay baad fooran thanday pani may daal deyn.

Omelette banany ka tareeka

Omelette bara or naram banany kay liye ek anday may thora sa aata daal deyn. Anday ki shakal bhi barkarar rahy gi.

Anday ko phetnay say pehlay

Anday ko phetnay say pehlay piyalay ko dhoo lenay say anda piyalay may chipakta nahi.

Saalan garha karnay ka tareeka

Kisi bhi saalan ko garha karnay kay liye agar aata estimaal karna ho tu pehlay aaty ko pani may mila kar acha sa paste bana leyn phir saalan may milaen. Es tarhan saalan may guthliyan nahi banay gi.

Kismish katnay ka tareeka

Kismisk katnay say pehly un per thora sa sukha aata daal deyn. Phir kitchen scissors say kat leyn, kishmish chipkaen gi nahi.

Anday ko zameen say saaf karnay ka tareeka

Agar ghalti say anda zameen per gir jaey tu us per namak dall deyn or thori deyr kay liye wesa hi chor deyn, phit asani say paper towel say saaf ker leyn.

Chawal chipakny say bachany ka tareeka

Chawal ko boil karny say pehly pani may thora sa oil daal deyn, chwal boil hony kay baad chipkay gay nahi.

Noodles ko chipaknay say bachany ka tareeka

Jub noodles boil ho jaen tu tamam garam pani phek deyn or thanda pani daaleyn. Noodles alag alag ho jaen gay or chipkay gay nahi.